‘मुगलान’को टिजरमा युवाको संघर्षको कथा

काठमाडौंं ःरिहान प्रोडक्सनको ब्यानरमा बनेको ‘फिल्म ‘मुगलान’ को टिजर रिलिज भएको छ । ३९ सेकेन्डको टिजरमा आर्थिक अभाव झेलेका एक युवा आफ्नो परिवारलाई सुखमा राख्नका लागि मजदुरी गर्न भारत पुग्छन् । टिजरले उनले त्यहाँ पाएको सास्ती र यता साहुले गरेको अत्यचारबीचको कथा भन्छ । आफ्ना सपना साकार पार्नका लागि उसले गरेको संघर्ष फिल्मको टिजरमा उतारिएको छ ।
पुष १० गतेबाट प्रदर्शनमा आउने तयारीमा रहेको फिल्ममा अभिनेता प्रभात पाल र अभिनेत्री स्मारिका ढकालको मुख्य भुमिका रहेको छ । उनीहरुका अलवा फिल्ममा श्री शिवांशु, दिनेश डीसी, मोती सुबेदी, रामचन्द्र अधिकारी, खबपु., राजु राज सोनी, रश्मी भट्ट, जीवन गौतम र सबिन बास्तोला लगायतका कलाकारको अभिनय रहेको छ ।
आशीष ढकालको लेखन तथा निर्देशनमा निर्माण भएको यो फिल्मका निर्माता गोमन सिंह रहेका छन् । फिल्ममा रीता चौधरीले पनि लगानी गरेकी छन् । फिल्ममा कोरियोग्राफी देबेन्द्र कुँवरको छ भने डीओपी अजय रेग्मीको छ ।
किरण भुषालको संगीत रेहेको फिल्ममा शान्तिश्री परियार,,प्रताप दास, बेनिशा पौडेल, हरि गिरी (विमर्शी) लगायतको स्वर रहेको छ । गीत रचना आशिष ढकाल,र सिर्जना, लम्साल,हरि गिरी (विमर्शी)ले गरेका छन् । फिल्मको वितरणको जिम्मा आर आर फिल्मस्ले लिएको छ ।