कलाकार संघमा रिक्त चार पदाधिकारीले लिए सपथ

काठमाडौं ः नेपाल चलचित्र कलाकार संघले रिक्त रहेका विभिन्न पदमा पदाधिकारी मनोनित गरेको छ । कात्तिक २ गते बसेको बैठकले संघको विधान परिच्छेद ८ को दफा २६ को उपदफा (ग) र सोही परिच्छेद ८ को दफा २६ को उपदफा (ध) बमोजिम पदाधिकारीहरु मनोनित गरिएको हो ।
राजधानीमा एक समारोहको आयोजना गरी कार्यसमितिमा रिक्त रहेका उपाध्यक्ष दुईजना र सदस्य दुईजना गरी चारजना पदाधिकारीहरुलाई सपथग्रहण गराएको छ । संघको विधान बमोजिम दुईजना उपाध्यक्षमा क्रमशः जयन्त रेग्मी र राजकुमार शाहलाई मनोनय गरेको थियो । त्यसैगरी सदस्यहरुमा जीवन थापा र श्रीदेव भट्टराईलाई मनोनित गरिएको थियो । चारैजना पदाधिकारीलाई संघका अध्यक्ष मोहन निरौलाले सपथ ग्रहण गराएका हुन् ।
समारोहमा नोभेम्बर ९ देखि १६ सम्म बेलायतमा सम्पन्न हुन गइरहेको क्ष्लतभचलबतष्यलब िँभमभचबतष्यल या ब्अतयचक (ँक्ष्ब्) को अन्तर्राष्ट्रिय अधिवेशनमा नेपालको प्रतिनिधित्व गर्दै सहभागिता जनाउन लागेका संघका कोषाध्यक्ष सुनील कटुवाललाई बधाई तथा शुभकामना व्यक्त गरिएको थियो ।
समारोहमा संघका अध्यक्ष मोहन निरौलाले सदस्यता वितरण र नवीकरणमा विधान अनुसारको मापदण्ड प्रमाणीकरणलाई कडाईका साथ लागू गरिएको साथै लेखा प्रणालीलाई पारदर्शी र थप व्यवस्थित गरिएको कुरा जानकारी गराउँँदै संघले गरेका अन्य कार्यहरुका बारेमा जानकारी गराएका थिए । नवनियुक्त पदाधिकारीहरुलाई चलचित्र पत्रकार संघ नेपालका अध्यक्ष समिर बलामी, चलचित्र निर्देशक समाजका अध्यक्ष जनकदीप पराजुली, वरिष्ठ चलचित्रकर्मी एवं संघका कानुनी सल्लाहकार कृष्ण ढुंगाना लगायतले शुभकामना दिएका थिए ।